19 июля 2008 г.
Çак кунсенче пирĕн ентешĕмĕр, Вăрманкасра çуралса ÿснĕ Юрий Васильев ертсе пыракан Чăваш патшалăх юрăпа ташă ансамблĕ гастрольпе Италие çул тытнă. Вăл Венеци тăрăхĕнчи пĕчĕк хуласенче иртекен халăхсен хушшинчи фольклор фестивалĕсене хутшăнать. Халăх пултарулăхĕн мероприятийĕсенче 15 çĕршыв коллективĕсем хутшăнĕç.
Сăмах май, Италипе Чăваш ен хушшинче çыхăну малтанах йĕркеленнĕ. Итальянсем пирĕн патра иртекен «Атăлçи çăл куçĕсем» уява хутшăннă, юрăпа ташă ансамблĕ 5 çул каялла вĕсем патĕнче пулнă.