Редакция Вурнарской районной газеты «Путь победы»ОФИЦИАЛЬНЫЙ САЙТ
Орфографическая ошибка в тексте

Послать сообщение об ошибке автору?
Ваш браузер останется на той же странице.

Комментарий для автора (необязательно):

Спасибо! Ваше сообщение будет направленно администратору сайта, для его дальнейшей проверки и при необходимости, внесения изменений в материалы сайта.

Публикации » УЛĂХРА

28 июня 2008 г.

«Мураты» ял хуçалăх кооперативĕ выльăх апачĕ хатĕрлессине пысăк тимлĕх уйăрать. Мăн Çавалпа чикĕленекен улăхра хÿхĕм ÿснĕ курăка куллен вуншар тонна çулса типĕтеççĕ, ăна рулонсем туса фермăсем çывăхне турттарса тăраççĕ.

Ирех вăраннă Мăн Çавал тăрăхĕ. Авă, Ракăш кÿлли çывăхĕнчи улăхра механизаторсем хĕрÿ ĕçе кÿлĕннĕ. Вĕсенчен пĕринпе, Геннадий Михайловпа, калаçу пуçартăмăр.

– Мăн Çавал хĕрринчи Талхир ялĕнче çуралса ÿснĕрен лайăх астăватăп, – сăмахне катаран пуçларĕ хуçалăхăн чи паллă механизаторĕ. – Ĕлĕкрех ку тăрăхри колхозсенче лашасемпе мĕнпур выльăх-чĕрлĕхе улăх утипе усранă. Çу уйăхĕсенче Мăн Çавал хĕррипе йăлтах утă капанĕсем ларатчĕç. Пурăна-киле улăха çулма пăрахрĕç, ку вырăнсем юрăхсăра тухрĕç. Иртнĕ çулла пирĕн хуçалăх ертÿçи улăх утине çĕнĕрен çултарма тытăнчĕ, Мăн Çавал тăрăхĕ выльăх апачĕ хатĕрлемелли вырăн пулса тăчĕ, – ырă пуçарăва кăçал та ăнăçлă, вăхăтра тытăнни çинчен хаваслансах каласа пачĕ Геннадий Михайлов механизатор.

Утă пухса кĕртессине лайăх йĕркеленĕ, пĕтĕм ĕçе механизацилесе çитернĕ. Пĕрисем «Волга-2» йышши косилкăпа утă çулаççĕ, теприсем ăна паккусласа тăраççĕ, виççĕмĕшĕсем симĕс массăна фермăсем çывăхне турттарса тăраççĕ.

Мой МирВКонтактеОдноклассники
Система управления контентом
TopList Сводная статистика портала Яндекс.Метрика