28 июня 2008 г.
Санкт-Петербургра Федерацин пичет тата массăллă коммуникацисен агентстви пулăшнипе кĕнеке кăларакансен ассоциацийĕн «Çулталăкри чи лайăх кĕнекесем» конкурсĕн çĕнтерÿçисемпе лауреачĕсене савăнăçлă лару-тăрура наградăланă. Унта Раççейри 54 регионти 230 издательство хутшăннă.
«Вăхăтпа калаçни» номинацире «Слово о монахе Иакинфе Бичурине» кĕнеке кăларнă Чăваш кĕнеке издательстви лауреат пулса тăнă. Çакăн çинчен Чăваш Республикин Президенчĕ Николай Федоров ячĕпе янă çырура Федерацин пичет тата массăллă коммуникацисен агентствин ертÿçи Михаил Сеславинский пĕлтернĕ.
«Издательство ăнăçăвĕ Чăваш Республикинче хамăр çĕршыври кĕнеке кăларас ĕçĕн чи лайăх йăлисене упраса хăварнине çирĕплетет, Раççей регионĕнчи кĕнеке кăларас ĕç кĕнеке культурин пысăк шайне кăтартма пултарнине тепĕр хут палăртать», – тенĕ Раççей пичет ертÿçин çырăвĕнче.
Михаил Сеславинский çавăн пекех Николай Федорова кĕнеке кăларакан отрасле çине тăрсах пулăшнăшăн тав тунă.