26 июня 2008 г.
Июнĕн 18-мĕшĕнче, юнкун, Т. уйрăм предпринимателĕн Вăрнарти Советски урамĕнче вырнаçнă «Кодак» киоскĕнче диск туяннă. Анчах пахалăхĕпе вăл кирлĕ шайра пулман. Çапла киоскра ĕçлекен Г. туянакана пиратла диск сутнă. Милици сотрудникĕсем пăтăрмах пулнă вырăнтан контрафакт паллиллĕ тата 15 диска таварçаврăнăшĕнчен кăларнă.
Июнĕн 5 – 15-мĕшĕсенчи тапхăрта хальлĕхе тупса палăртман çын поселокри Чернышевский урамĕнчи пушă ларакан çурта чÿрече кантăкне илсе кĕрсе тухнă. Вăрă кил хуçине ют çĕршывра туса кăларнă «Партнер» бензопăчкăсăр тăратса хăварнă.
Июнĕн 10-мĕшĕнче Вăрнарти М.-н хваттерĕнче такам ирĕклĕнех хуçаланнă: «Эленберг» DVD-плеер тата кĕсье телефонĕ йăкăртса кайнă. Шалти ĕçсен районти пайĕн ĕçченĕсем «вĕри йĕрпе» кайса айăплисене – Патăрьел районĕн çыннине Г.-на тата Вăрнарта пурăнакан Л.-на – тупса палăртнă.
Июнĕн 7-мĕшĕнче 15-ри Б., Шупашкар çамрăкĕ, пирĕн районта киревсĕр ĕçпе палăрнă. Вăл Шупашкарта пурăнакан Н.-н Кульцаври çуртĕнчен 19 пин тенкĕ çаратнă. Çавăн пекех çурт умĕнче тăратса хăварнă «ОКА» автомашинăна илсе тарнă. Каярах автомашина Шупашкарта тупăннă.