04 июня 2008 г.
Районти тапхăрта çĕнтерсе Вăрнар тăрăхĕнче вĕрентекенсем те республикăри «Самый классный классный» виççĕмĕш конкурсне хутшăнассине пĕлтернĕччĕ. Финалта çĕнтернисене май вĕçĕнче Шупашкарти кооператив институтĕнче чысланă.
Савăнтарма кăмăллă, пирĕн районтан унта хутшăннă икĕ класс ертÿçи те – Аçăмçырминчи вăтам шкулти Светлана Афанасьева тата Вăрнарти 1-мĕш вăтам шкулти Нина Бурмистрова малти вырăнсене йышăннă.
С.Афанасьева «Çамрăк вĕрентекен» номинацире палăрнă – пĕрремĕш вырăн йышăннă. Ăна çавăн пекех «Вĕрентÿ» наци проекчĕпе килĕшÿллĕн пултаруллă çамрăксене патшалăх енчен пулăшас программăна преми илме тăратнă.
Н.Бурмистрова «Пуçламăш классен ертÿçи» номинацире виççĕмĕш вырăн йышăннă.