Публикации » Комисси ларăвĕ иртнĕ

04 июня 2008 г.

Паллă ĕнтĕ, 2010 çулта пирĕн çĕршывра халăх перепиçне ирттереççĕ. Пĕтĕм Раççейри халăх перепиçне хатĕрленсе ирттерес енĕпе ĕçлеме районта ятарлă комисси тунă. Вăл вунсакăр çынна пĕрлештерет. Комисси председателĕ – район администрацийĕн пуçлăхĕн заместителĕ С.Павлов.

Район администрацийĕнче Пĕтĕм Раççейри халăх перепиçне ирттерес енĕпе ĕçлекен комиссин пĕрремĕш ларăвĕ иртнĕ. Ăна унăн председателĕ С.Павлов ертсе пынă. Ларура 2010 çулта ирттерекен Пĕтĕм Раççейри халăх перепиçĕн тĕллевĕсемпе тата задачисемпе Патшалăх статистикин федераллă службин Чăваш Республикинчи территори органĕн пуçлăхĕ Ю.Марков тата унăн заместителĕ Л.Егорова тĕплĕн паллаштарнă. Çавăн пекех ларура комисси членĕсен тивĕçĕсене палăртнă тата кăçалхи ĕç планне пăхса тухса çирĕплетнĕ.