02 июня 2008 г.
Районти вĕрентÿ учрежденийĕсенче ку вĕренÿ çулĕнче те спорт юхăмне аталантарассипе çине тăрса тимлерĕç. Шкулсенче çеç мар, районта вуншар массăллă ăмăрту иртрĕ. Юлашки çулсенче вĕсене мĕнпур тенĕ пек шкул активлă хутшăнни савăнтарать.
Шкул ачисем хушшинчи «Сăран мечĕк» район первенствине кăçал вунтăватă шкул команди хутшăнчĕ. Çамрăк футболистсем икĕ ушкăнра вылярĕç.
Кĕçĕннисен ушкăнĕнче малти вырăна Пăртасри вăтам шкул команди тухрĕ. Иккĕмĕш вырăнта – Вăрнарти 2-мĕш вăтам шкул.
Аслă ушкăнра призлă вырăнсене çак командăсем пайларĕç: Вăрнарти 2-мĕш вăтам шкул – пĕрремĕш вырăн, Çĕрпелти вăтам шкул – иккĕмĕш, Уравăшри вăтам шкул – виççĕмĕш.