02 июня 2008 г.
Çур аки мĕнле иртнине пĕтĕмлетме ытларикун ял хуçалăх предприятийĕсен ертÿçисем, агрономĕсем, инженерĕсем, райадминистрацин ял хуçалăхĕпе экологи пайĕнче тимлекенсем, район пуçлăхĕ А.Кузьмин уйсем тăрăх çÿренĕ. Вĕсем кашни хуçалăхрах пĕрчĕллĕ тата пăрçа йышши культурăсене, çĕр улмие, пĕр çул тата нумай çул ÿсекен курăксене мĕнле çитĕнтернине тĕрĕсленĕ, тивĕçлĕ хак панă. «Мураты» кооператив – пĕрремĕш, «Санары» агрофирма иккĕмĕш вырăнсене йышăннă. Çак хуçалăхсенче çĕнĕ технологисемпе, хăватлă техникăпа тĕллевлĕ усă курнăран ĕç кăтартăвĕсем пысăк. «Победа», «Янгорчино», Карл Маркс ячĕллĕ, «Хорнзор», «Луч» кооперативсенче те, «Агрохмель», «Вурнарская» агрофирмăсенче те çурхи уй-хир ĕçĕсене пахалăхлă ирттернĕ. Вĕсенче лару-тăру пĕр пек пулнăран комисси виççĕмĕш вырăна палăртман.