28 мая 2008 г.
Паян – Пограничник кунĕ. Ăна Раççей халăхĕ кăçал 90-мĕш хут паллă тăвать. Çак кун – кашни çемьешĕн пысăк уяв. Йăхра кукаçи-асаттесем, çывăх тăвансем хушшинче чикĕ хуралĕнче тăнисем пур е Тăван çĕршывăн мăнаçлăхне çак вăхăтра вĕсен мăнукĕсем, ывăлĕсем сыхлаççĕ.
Пограничниксем çар тивĕçне чыслăн пурнăçлаççĕ. Вĕсен кирек мĕнле çанталăкра та çĕрĕпе çывăрмаççĕ. Симĕс карттуслă салтаксем çынсем мирлĕ, тăнăç пурнăçпа пурăнччăр тесе тăшмана хирĕç тăма ялан хатĕр. Нарядран каялла сывă таврăнасса никам та пĕлмест. Шел, инкек куçа курăнса килмест. Службăра тăнă чух пирĕн ентешсен – Алексей Геннадьевич Евграфовăн, Николай Иванович Алексеевăн, Владимир Георгиевич Михайловăн – пурнăçĕ вăхăтсăр татăлнă. Эпир, пограничниксем, вĕсен ятне яланах асра тытатпăр, паттăрсен çемйисем умĕнче пуç таятпăр.
Чикĕ хуралçин кунне халалласа çу уйăхĕн 27-мĕшĕнче Вăрнарти культура çуртĕнче пысăк концерт пулчĕ.