28 мая 2008 г.
«Единая Россия» политика партийĕн регионти уйрăмĕ Аслă Çĕнтерÿ кунне халалласа ирттернĕ творчество конкурсне Вăрнарти 2-мĕш вăтам шкулта вĕренекенсем хастар хутшăнчĕç. Л.Н.Федотова, Е.Н.Горбунова, О.Д.Костянецкая вĕрентекенсем ертсе пынипе унта пĕтĕмпе вунпĕр ĕç тăратрĕç.
Конкурсăн районти тапхăрне пĕтĕмлетнĕ. Сочиненисем хушшинче 10-мĕш «б» класри Софья Ерлыгина «Письмо в 45-й год» ĕçĕпе мала тухрĕ. 7-мĕш «в» класри Александр Степанов хăйĕн «Манăн асатте – фронтовик» ÿкерчĕк-плакачĕпе пĕрремĕш вырăн йышăнчĕ. Вĕсем конкурсăн республикăри тапхăрне те хутшăнĕç.
Ачасен вĕрентекенĕсене те манман, вĕсене çитĕнекен ăрăва патриотла воспитани парас ĕçе палăрмалла тÿпе хывнăшăн «Единая Россия» партин Тав çырăвĕсемпе чысларĕç.