28 мая 2008 г.
Ĕç çинчен калакан ваттисен сăмахĕсем нумай. Вĕсем тăрăшуллă, пултаруллă пулма, тĕллевсене пурнăçлассипе хастаррăн тимлеме вĕрентеççĕ. Акă пĕрне илер: «Ĕç çынна мухтава кăларать». Чăн та, çын хăйĕн тивĕçне чыслăн, тÿрĕ кăмăлпа пурнăçласан ăна коллективра пурте хисеплеççĕ. «Кольцовка» агрофирмăра вăй хуракансем выльăх-чĕрлĕх пăхакан Александр Ерошин пирки кăмăллăн çапла пĕлтерчĕç: «Пирĕн юлташра ырă енсем нумай. Вăл пурне те тĕслĕх кăтартать».
Александр Ерошин пек ĕç паттăрĕсем пурри агрофирмăна малалла аталанма пулăшать. Хуçалăхра мăйракаллă шултра выльăхсен тата сыснасен талăкри ÿт хушаслăхне, çавăн пекех сĕт суса илессине те ÿстернĕ.