28 мая 2008 г.
Район хаçачĕн редакцийĕ «Çĕнтерÿ çулне» ытларах çырăнтарнă почтăн çыхăну уйрăмĕсемпе почтальонсем хушшинче конкурс ирттерет. Кăçалхи пĕрремĕш çур çулхи çырăнтару ĕçне пĕтĕмлетнĕ, çĕнтерÿçĕсене палăртнă.
Çавалкасри почтăн çыхăну уйрăмĕн коллективĕ (пуçлăхĕ – Светлана Радиковна Федорова) 1-мĕш вырăна, Кушар Юнтапари почтăн çыхăну уйрăмĕ (Лия Михайловна Антонова) 2-мĕш вырăна, Мăн Явăшри почтăн çыхăну уйрăмĕ (Светлана Александровна Аршуткина) 3-мĕш вырăна тухнă.
Çавăн пекех Услапари (Марина Алексеевна Андреева), Ершепуçĕнчи (Петр Вениаминович Иванов) тата Кĕçĕн Кипекри (Роза Анатольевна Горбатенко) почтăн çыхăну уйрăмĕсем лайăх ĕçленипе палăрнă.
Почтальонсем хушшинче Лидия Петровна Семенова (Вăрнар) 1-мĕш вырăна, Елена Петровна Скворцова (Çĕньял Хапăс) 2-мĕш вырăна тухнă. 3-мĕш вырăна иккĕн – Венера Анатольевна Васильева (Çĕрпел) тата Зоя Николаевна Максимова (Вăрнар) – пайланă.
Çавăн пекех ĕçре Роза Ивановна Филиппова (Çавалкас), Светлана Геннадьевна Селиванова (Ершепуç), Алевтина Михайловна Сидорова (Вăрнар) тата Вероника Валерьяновна Воронова (Пăртас) почтальонсем палăрнă.
Конкурсра çĕнтернĕ тата палăрнă почтăн çыхăну уйрăмĕсен коллективĕсемпе почтальонсене хаçат редакцийĕ парнесемпе тата грамотăсемпе чыслать.