22 мая 2008 г.
Çавалкасри çыхăну уйрăмĕнчи Роза Филиппова, Людмила Аркадьева, Светлана Федорова почтальонкăсем 2008 çулхи иккĕмĕш çур çулшăн хаçат-журнал çырăнтарассине анлă сарса пыраççĕ. Вĕсем «Çĕнтерÿ çулĕ» район хаçачĕ пуçарнă конкурса та хапăлласах хутшăнчĕç.
Çыхăну уйрăмне кĕрекен 4 ялта 405 хуçалăх, вĕсенче 850 çын пурăнать. Халĕ ку тăрăхри çынсем 482 экземпляр тĕрлĕ йышши хаçат-журнал илсе тăраççĕ. Район хаçатне çырăннисен йышĕ те 197 çынтан иртрĕ.
– Хаçат-журнал тусĕсен йышне ÿстерес, иккĕмĕш çур çулшăн та пичет изданийĕсене унчченхинчен кая мар сарас тĕллев лартрăмăр. Ку енĕпе пире укçа-тенкĕ енчен Карл Маркс ячĕллĕ ял хуçалăх предприятийĕн ертÿçи В.Шумилов пулăшсах тăрать, – терĕ çыхăну уйрăмĕн пуçлăхĕ Светлана Радиковна Федорова.