22 мая 2008 г.
Ирĕклĕ кĕрешÿ спорчĕ иртнĕ канмалли кунсенче çамрăк спортсменсене Канаш районĕнчи Мăн Пикшĕх ялне пуçтарнă. Чăваш Республикин чемпионатне пĕтĕмпе 230 кĕрешÿçĕ хутшăннă.
Пирĕн район команди унта яланхиллех малта пулнă. Харпăр хăй виçе категорийĕнче спорт шкулĕн Мăн Явăшри филиалĕн вĕренекенĕсем Николай Никифоров иккĕмĕш, Петр Квасов, Анна Краснова, Алина Федотова виççĕмĕш вырăнсене йышăннă. Тренерĕ – Алексей Степанов.
Пăртасри филиал кĕрешÿçисенчен Таня Кондратьевапа Женя Кондратьева ылтăн, Вероника Бардасовапа Евгений Колпаков бронза призерсем пулса тăнă. Каччăсемпе хĕрсем Виталий Трофимов тренер патĕнче ăсталăха туптаççĕ.
Андрей Воробьев тренерăн вĕренекенĕ Вăрнарти 1-мĕш шкулти Дима Яковлев та виççĕмĕш вырăн йышăннă.
Çĕнтерÿçĕсем сентябрь уйăхĕнче Ульяновск хулинче пулакан Атăл тăрăхĕн первенствине хутшăнĕç.