22 мая 2008 г.
Çăмăл атлетикăпа районта çамрăксем хушшинче пысăк шанăç паракан чупуçăсем сахал мар. Вырсарникун Шупашкарти «Олимпийский» стадионра шкул ачисем хушшинче иртнĕ первенствăра акă вĕсем лайăх результатсем кăтартнă.
Районăн пĕрлештернĕ команди йышĕнче – Шĕнер Ишекри, Аçăмçырминчи, Калининăри, Ярмушкари, Мăн Явăшри шкулсенче вĕренекенсем. Пĕтĕмĕшле кăтартупа вăл 12-мĕш вырăн йышăннă, уйрăм дистанцинче вара призлă вырăнсем те пур.
4х400 метрлă эстафетăра акă Федор Виноходовран, Андрей Николаевран (Калинино), Мальвина Михайловаран (Шĕнер Ишек) тата Татьяна Ефимоваран (Аçăмçырми) тăракан команда чи хăвăртти пулнă. М.Михайлова çавăн пекех 800 метрлă дистанцире виççĕмĕш вырăн йышăннă, Т. Ефимова кĕмĕл призер пулса тăнă.