15 мая 2008 г.
Икĕ эрнене яхăн ĕнтĕ районта Акатуй парнисемшĕн футбол турнирĕ пуçланнăранпа. Тупăшура – ултă команда. Пĕрремĕш ушкăнра «Химик», «Вурнарыдорстрой» тата «Санары» агрофирма», иккĕмĕшĕнче ял хуçалăх техникумĕн, «Гвардеец», Çĕрпел ял командисем выляççĕ.
Çаврăмсенчи тĕл пулусен кăтартăвĕсем çапла. Килти вăйăра «Химик» тата «Санары» агрофирма» командăсем матча никам çĕнтерейменнипе (3:3 шутпа) вĕçленĕ. Хăнара «Химик» санарпуçсене 5:1 шутпа çĕнтернĕ.
Акатуй кубокĕн пĕлтĕрхи хуçи – «Вурнарыдорстрой» команда – шел, икĕ тĕл пулăва та выляса янă: химиксене – 2:6, санарпуçсене 4:5 шутпа.
Иккĕмĕш ушкăнра ял хуçалăх техникумĕн çамрăкĕсем çĕрпелсене – 3:2, «Гвардеец» техникум командине – 4:1 тата çĕрпелсене 0:3 шутпа парăнтарнă. Турнир малалла пырать.