06 мая 2008 г.
Ĕнер район администрацийĕн актовăй залĕнче Аслă Çĕнтерÿ кунне хатĕрленсе ирттерес тĕлĕшпе пĕтĕмлетÿллĕ лару иртрĕ. Унта поселокри мĕнпур организаци-предприяти пуçлăхĕсем хутшăнчĕç. Ларăва район пуçлăхĕ Анатолий Кузьмин ертсе пычĕ.
Демонстрацие кăçал пĕтĕмпе 30 организаци хутшăнмалла. Колоннăсене площаде вырнаçтарас схема хатĕр. Оргкомитет председателĕ Н.Петров уяв программипе паллаштарчĕ. Унăн тĕп пайĕ яланхиллех район администрацийĕ умĕнче иртĕ. Каçхи пайра вăрнарсене «Янташ» эстрада ушкăнĕ савăнтарĕ, уяв фейерверкĕ пулĕ.
Программăна палăртнипе пĕрлех, ларура йĕркелĕхпе хăрушсăрлăх ыйтăвĕсем те мала тухрĕç. Анатолий Иванович йĕрке хуралçисене çак кун сыхлăха ÿстерме, ÿсĕр-пÿсĕрсемпе, тавралăха варалакансемпе çивĕч кĕрешме ыйтрĕ.