30 апреля 2008 г.
«Единая Россия» партин Чăваш регион уйрăмĕн хастарĕсем Пĕтĕм Раççейре «Эпĕ ас тăватăп, эпĕ мухтанатăп!» ятпа иртекен «Георги хăйăвĕ» акцие хутшăнма хатĕрленеççĕ. Ăна пирвайхи хут ветерансене хисеплес, пуç хунисене асра тытас пĕлтерĕшпе Аслă Çĕнтерÿ 60 çул тултарнă кун йĕркеленĕ. Çавăн чухне парти Çĕнтерÿ кунне кашнинчех юбилей чухнехи пек паллă тума йышăннă. Акцие хутшăнакансен йышĕ çултан-çул ÿссе, территорийĕ сарăлса пырать. Пĕлтĕр çак хисеп паллине 10 миллион çын илнĕ.
Чăваш Республикинче партин регионти тата вырăнсенчи уйрăмĕсен, çавăн пекех «Пĕрлĕхлĕ Раççейĕн» «Çамрăк Гвардийĕн» хастарĕсем асăннă хăйăва çу уйăхĕн 1–9-мĕшĕсенче 250 пин валеçме палăртаççĕ. Çу уйăхĕн 1-мĕшĕнчи Çуркуннепе Ĕç уявĕнче республикăра пурăнакансемпе унăн хăнисем Раççейĕн Патшалăх ялавне аса илтерекен хăйăва илĕç.