30 апреля 2008 г.
Шашка ăстисем çине-çинех çакăн пек çитĕнÿсем туни тахçанах пулманччĕ-ха. Тин кăна çамрăксем Чăваш ен Президенчĕн Кубокĕшĕн пыракан спартакиадăра чемпионсен ятне тивĕçрĕç. Шкул ачисем хушшинчи республикăри финал çĕнтерÿçисем те – вĕсемех.
Çĕнтерÿ саламĕсене йышăнаканĕсем – Вăрнарти 1-мĕш вăтам шкулта вĕренекенсем. Команда йышĕ спартакиадăна хутшăннинчен уйрăмрах, апла пулин те ăс-тăн çивĕчлĕхĕпе пĕр тан. Майкл Петров, Артем Максимов, Степан Прохоров, Юрий Антонов, Ирина Иванова – шкул ачисен район команди вăйлă. Çакна финалти сакăр командăран нихăшне те выляса яманни те çирĕплетет. Кунта, паллах, тренерăн тÿпи те пысăк, ÿсĕмре Григорий Иванович Степановăн чунран тухакан ĕçĕ курăнать.
Çĕнтерÿ – вăрнарсенче. Çывăх вăхăтрах республика чемпионĕсене «Артека» каяс ыйту та татăлĕ.