12 апреля 2008 г.
Вăрнарти ял хуçалăх техникумĕн преподавателĕн Галина Павлован иртнĕ уйăхра канма вăхăт та пулмарĕ темелле. Паллă атлетка çине-çинех сумлă ăмăртусене хутшăнчĕ. Малтанах Ижевск хулинче хĕллехи полиатлон енĕпе «Газпром» парнисене çĕнсе илессишĕн пынă Пĕтĕм Раççейри турнирта вăл чи лайăх результат кăтартрĕ. Хыççăнах Мурманскра «Урожай» парнисемшĕн иртнĕ Пĕтĕм тĕнчери чемпионатăн çĕнтерÿçи пулса тăчĕ.
Март вĕçĕнче пултаруллă полиатлонистка Сургут хулине тухса кайрĕ, «Газпром» парнисемшĕн çичĕ куна пынă Пĕтĕм Раççейри уçă турниртан (Раççей Кубокĕн 5-мĕш тапхăрĕ) тăван тăрăха бронза медальпе таврăнчĕ.
Галина Павлова 35–39 çулсенчи ÿсĕмре тупăшнă. Виçĕ енлĕ кĕрешÿре – йĕлтĕрпе чупса, пневматикăллă винтовкăран персе тата отжимани туса – пĕтĕмпе 280 очко пуçтарнă, Раççей спорт мастерĕн нормативне пурнăçланă.