05 апреля 2008 г.
Карл Маркс ячĕллĕ ял хуçалăх предприятийĕ ака-суха ĕçĕсене паян тесен паян пуçăнма хатĕр.
Хуçалăхăн кĕр тыррисем 225 гектар йышăнаççĕ. Кăçал çурхи культурăсене 475 гектар çине акса хăвармалла. Пĕр çул тата нумай çул ÿсекен курăксен лаптăкĕ 315 гектара çитет.
Пур йышши вăрлăх та çителĕклĕ, вĕсем йăлтах кондициллĕ.
Ÿсен-тăрана вăй илсе çитĕнме минераллă удобренисем кирлĕ. Ял ĕçченĕсем вĕсене хатĕрлес енĕпе хĕллехи уйăхсенчех лайăх ĕçлерĕç, çĕре апатлантарма 135 тонна минераллă удобрени кÿрсе килчĕç.
Çураки ирттерме çунтармалли-сĕрмелли материалсем хатĕрлес енĕпе те ăнăçлă ĕçлеççĕ. Хурçă утсене ĕçлеттерме топливо çителĕклĕ.
Ака-суха ĕçĕсене гусеницăллă тракторсем виççĕ, кустăрмаллисем саккăр хутшăнмалла.