05 апреля 2008 г.
Ку çĕнтерÿшĕн Вăрнарти шашка ăстисем тăватă çул хушши çине тăрса кĕрешрĕç. Кăçал вара шкул ачисем хушшинче Чăваш ен Президенчĕн Кубокĕшĕн пыракан 10-мĕш спартакиадăра пĕрремĕш хут ылтăн призерсем пулса тăчĕç.
Командăра – ăслă та ăста шашистсем: Калининăри вăтам шкулти Андрей Петров тата Вăрнарти 1-мĕш вăтам шкулти Дима Максимов, пĕртăван Иринăпа Алексей Ивановсем.
Вĕренекенсен республикăна кайиччен те çирĕп кĕрешÿ витĕр тухма тивнĕ. Григорий Иванович Степанов тренер вĕсене шкулти, районти турнирсенче вылянипе кăна мар, шашка задачисене çăмăллăн «шĕкĕлченине» кура та суйласа илнĕ.
Спартакиадăра вăрнарсем пилĕк командăпа вылянă, пĕр парти кăна никам çĕнтерейменнипе вĕçленнĕ, ыттисенче çĕнтернĕ.