05 июля 2017 г.
Çанталăк условийĕсем ял ĕçченĕсем умне хушма йывăрлăхсем кăларса тăратрĕç. Çумăр час-часах çунăран выльăх апачĕ хатĕрлес ĕçĕн хăвăртлăхĕ самай чакрĕ. Хĕвеллĕ кунсем сахал тăраççĕ пулин те ял хуçалăх предприятийĕсем уяр вăхăтăн кашни саманчĕпе туллин усă курма тăрăшаççĕ. Май тупăнчĕ – техника тÿрех уй-хире тухать.
Район администрацийĕн ял хуçалăхĕпе экологи пайĕнчен пĕлтернĕ тăрăх, обществăлла выльăх-чĕрлĕхе хĕл каçарма апат хатĕрлессипе Вăрнарти аш-какай комбиначĕ, Карл Маркс ячĕллĕ, «Мураты», «Янгорчино», «Знамя» хуçалăхсем, çавăн пекех Тарасов, Сергеев, Яковлев, Павлов фермер хуçалăхĕсем уйрăмах лайăх ĕçлеççĕ.
Ĕнерхи кун тĕлне районта утă 1343 тонна (планпа пăхнин 19 проценчĕ), сенаж 7900 тонна (46 процент) хатĕрленĕ.
К.ЮРЬЕВ.