23 июня 2017 г.
Ыран – Республика кунĕ. Çак кунсенче Чăваш енре уявпа çыхăннă тĕрлĕ мероприятисем пыраççĕ. Вĕсене вăрнарсем те хастар хутшăнаççĕ.
Июнĕн 23–25-мĕшĕсенче ĕçлекен «Регионы – сотрудничество без границ» куравра Вăрнар районĕпе, аталану çулĕпе çирĕп пыракан предприятисен ĕçĕ-хĕлĕпе паллашма май пулĕ.
Вăрнар районĕнчи ултă пултарулăх коллективĕ – районти культура çурчĕ çумĕнчи «Тивлет» тата «Санар» ушкăнсем, ветерансен хорĕ, Ярмушкари «Утмăлтурат» тата «Шурăмпуç», Кульцаври «Ивушка» ушкăнсем Пĕтĕм Раççейри «Русь мастеровая» тата «Раççей çăлкуçĕсем» фестивальсене илемлетĕç. Вăрнарсем çавăн пекех «Бизнес-Ăнăçу» форума, АПК енĕпе çавра сĕтеле, Уй кунне, ытти мероприятисене хутшăнĕç.
Республика кунĕпе çыхăннă мероприятисем Пăрачкав районĕнче те анлă иртеççĕ. Вăрнарсене унта та курма май пулĕ.
Светлана ЧИКМЯКОВА.