21 июня 2017 г.
Утçи – хĕрÿ тапхăр. Апата вăхăтра тата пахалăхлă хатĕрленинчен выльăха ăнăçлă хĕл каçарасси те килет. Çакна хуçалăхсен ертÿçисем аван ăнланаççĕ, çавăнпа ку ĕç çине çулсерен пысăк тимлĕх уйăраççĕ.
Кăçал выльăх апачĕ хатĕрлес ĕçе пуринчен малтан Вăрнарти аш-какай комбиначĕ пуçăнчĕ. Кунта курăка 5911 гектар çулмалла, вĕсенчен 4272 гектар люцерна.
Район администрацийĕн ял хуçалăхĕпе экологи пайĕнчен пĕлтернĕ тăрăх, «Знамя», «Янгорчино», «Победа» тата ытти хăшпĕр хуçалăхсенче ĕçсем анлă сарăлнă.
Районĕпе нумай çул ÿсекен курăксене 7673 гектар çинче çулса пуçтармалла.
К.ЮРЬЕВ.