31 мая 2017 г.
Иртнĕ шăматкун Шупашкарта Ачасене хÿтĕлемелли пĕтĕм тĕнчери куна халалласа йĕркеленĕ республика уçă турнирне Вăрнар кĕрешÿçисем те хутшăннă.
Вĕсем хамăр республикăри çеç мар, кÿршĕ регионсенчи спортсменсемпе те тытăçăва тухнă.
Награда комплекчĕсене пилĕк ÿсĕмре выляттарнă. Вăрнар кĕрешÿçисем пĕтĕмпе пилĕк медаль çĕнсе илнĕ.
Максим Иванов (Пăваяль) тата Кирилл Ефимов (Малти Ишек) турниртан ылтăн медальпе таврăннă. Дмитрий Петров (Кÿстÿмĕр) çĕнтерÿ пьедесталĕн иккĕмĕш пусми çине хăпарма тивĕçнĕ. Матвей Мишин (2-мĕш шкул) тата Кузьма Лаврентьев (Ярмушка) – бронза призерсем.
Светлана ЧИКМЯКОВА.