20 мая 2017 г.
Чăваш Республикин культура, национальноçсен ĕçĕсен тата архив ĕçĕн министерстви çумĕнчи обществăлла канаш республикăри культура учрежденийĕсен 2016 çулхи ĕçне хакланă.
Халăха тивĕçтерÿсем парас пахалăхăн хаклавне культура учрежденийĕсем çинчен калакан информаци уççăнлăхĕпе пурте усă курма пултараслăхне, тивĕçтерÿ парас вăхăта, çынсемпе калаçма пĕлнине, культура ĕçченĕсен компетентлăхне, тивĕçтерÿсем халăх кăмăлне епле тивĕçтернине шута илнĕ.
Чи пысăк балсене çамрăксен Çеçпĕл ячĕллĕ театрĕ, Трактор тăвакансен культура керменĕ, вырăс халăх театрĕ, республикăри ача-пăча библиотеки, А.Николаев летчик-космонавтăн Мемориаллă комлексĕ, Хĕрлĕ Чутай, Шупашкар, Канаш районĕсен централизациленĕ клуб тата библиотека системисем тивĕçнĕ.
Вăрнар районĕнчи клуб системи 65,7, тĕп библиотека 75 балл пухнă.
Светлана ЧИКМЯКОВА.