11 мая 2017 г.
Аслă Çĕнтерÿ кунне, çавăн пекех тăватă хутчен тĕнче чемпионĕн, XXII Олимп вăййисен бронза призерĕн Сергей Корнилаевăн парнисемшĕн иртнĕ республика турнирне вунă регионтан пуçтарăннă.
Вăрнарсем яланхиллех маттур пулнă. Икĕ ÿсĕмре вуншар категорире выляттарнă наградăсене вĕсем те çĕнсе илнĕ.
Львовсем – чăннипех пултаруллă: Никита та, Дима та хăйсен ушкăнĕнче чемпионсем пулса тăнă. Каччăсем пĕри 1-мĕш, тепри 2-мĕш шкулта вĕренеççĕ. Турнирти çĕнтерÿçĕ медалĕсемсĕр пуçне çамрăксене районти спорт юхăмне аталантарас ĕçе тÿпе хывакан Александр Петров та, «Попутчик» ТМЯО ертÿçи, сумлă парне кÿнĕ – скутерпа савăнтарнă.
Етруккасси Мăрат каччи, Вăрнарти 2-мĕш шкулта вĕренекен Алексей Тимофеев тата Малти Ишек шкул ачи Данил Иванов виççĕмĕш вырăнсене йышăннă.
Юрий Николаев (2-мĕш шкул), Семен Семенов (Пăртас), Никита Никандров (Санарпуç) – 5-мĕш вырăнсенче.
Светлана ЧИКМЯКОВА.