15 апреля 2017 г.
Апрелĕн 18-мĕшĕнче «Чăваш ен» ПТРК тата Чăваш енĕн наци телерадиокомпанийĕ телекуравçăсене Чăваш ен Пуçлăхĕ Михаил Игнатьев хутшăннипе ирттерекен «Приложение силы» çĕнĕ телепроектăн иккĕмĕш кăларăмĕпе паллаштараççĕ. Ку кăларăма – кирек хăш тапхăршăн та пĕлтерĕшлĕ шутланакан темăна – сывлăх сыхлавĕн аталанăвĕн темине халалланă.
Медицина кадрĕсем çитменнипе çыхăннă çивĕч ыйтăва мĕнле татса памалла; Çамрăк специалистсем отрасле мĕнлерех хатĕрленсе килеççĕ; Медицина учрежденийĕсенчи черетсене пĕтерме пулĕ-и; Медицина пулăшăвĕн пахалăхне мĕнле лайăхлатмалла; Паян медицина пулăшăвĕ парассине тÿлевлĕ тата тÿлевлĕ марри çине уйăрни кирлĕ-и; Республикăра пурăнакансене уйрăмах хумхантаракан çак тата ытти ыйтусене Чăваш ен Пуçлăхĕ Михаил Игнатьев Пĕтĕм Раççейри халăх фрончĕн республикăри уйрăмĕн, пациентсен пĕрлĕхĕн, ЧР Сывлăх сыхлав министерствин тата И.Н.Ульянов ячĕллĕ Чăваш патшалăх университечĕн медицина факультечĕн представителĕсемпе пĕрле сÿтсе явать.
«Приложение силы» телепроект премьерипе ака уйăхĕн 18-мĕшĕнче «Россия 1» телеканалăн регионти эфирĕнче 9 сехетре, ака уйăхĕн 22-мĕшĕнче «Россия 24» телеканалăн регионти эфирĕнче 19 сехетре, Чăваш енĕн Наци телекуравĕнче ака уйăхĕн 18-мĕшĕнче 20 сехет те 30 минутра паллашма пултаратăр.