12 апреля 2017 г.
Арçынсем хушшинче волейбол енĕпе иртнĕ район чемпионачĕ пĕтĕмпе вунă команда пуçтарнă.
Спорт тусĕсене – Çĕрпел, Малти Ишек, Çавалкас, Мăн Явăш, Ершепуç, Пăртас, Кульцав, «Август» Фирмăн, «Вурнарымежрайгаз» командăсене – район администрацийĕн пуçлăхĕ Леонид Николаев, волейболăн районти федерацийĕн председателĕ Владимир Иванов саламланă.
Икĕ ушкăнран финала тăватă чи вăйлă команда тухнă – Вăрнар газовикĕсем, химиксен пĕрремĕш команди тата çĕрпелсемпе малти-ишексем. Вĕсенчен чи çивĕччисем вара – «Август» Фирма каччисем: Вадим Кириллов, Михаил Андреев, Сергей Александров, Дмитрий Трофимов, Денис Сидоров, Геннадий Иванов.
Светлана ЧИКМЯКОВА.