12 апреля 2017 г.
Районта Гостехнадзорăн Чăваш енри инспекцийĕн пуçлăхĕ Сергей Вязовский пулнă. Район администрацийĕн пуçлăхĕпе Леонид Николаевпа вăл районти пĕтĕмĕшле лару-тăру, çурхи ĕçсене епле хатĕрленни пирки сÿтсе явнă.
Хыççăн вăл Гостехнадзорăн районти патшалăхăн аслă инспекторĕпе Иван Тимофеевпа пĕрле «Август» Фирмăн «Вăрнарти хутăш препаратсен завочĕ» филиалĕнче планпа иртнĕ техника тĕрĕслевне хутшăннă.
Сергей Юрьевич хăшпĕр машинăсене хăй ларса тĕрĕсленĕ. Контейнер-погрузчик, погрузчик-штабелер епле ĕçленипе паллашнă, водительсемпе механизаторсен вĕренÿ класĕнче пулнă, транспорт хатĕрĕсен документацине рейса тухас умĕнхи тата таврăннă хыççăнхи çирĕп йĕркине, ĕçченсем медосмотр тухнине тĕрĕсленĕ.
Чăваш енри патшалăхăн тĕп инженер-инспекторĕ предприятире техника эксплуатацийĕн требованийĕсем çирĕп те пăхăнуллă пурнăçланнине ырласа палăртнă.
Светлана ЧИКМЯКОВА.