01 апреля 2017 г.
Вĕрентÿ ĕçченĕсен профсоюзĕн районти организацийĕ пуçарнипе волейбол енĕпе ăмăрту иртнĕ.
Малтанхи тапхăрта вунпилĕк команда вăй виçнĕ, финала вара пилĕк команда тухнă.
«Рассвет» физкультурăпа спорт комплексĕнче иртнĕ пĕтĕмлетÿллĕ вăйăсенче вĕрентÿ организацийĕсен командисене вĕрентÿ ĕçченĕсен профсоюзĕн районти лидерĕ Елена Карпова, спорт комплексĕн директорĕ Владимир Прокопьев хавхалантарса саламланă.
Хĕрÿ сетсенче чи хастарри-çивĕччисем «Рассвет» ФСК команди пулнă. Куçса çÿрекен Кубока ку йышри Владимир Прокопьев директор, Александр Афанасьев – ирĕклĕ кĕрешÿ тренерĕ, Николай Федотов – директор çумĕ, Геннадий Герасимов – футбол тренерĕ, Эльвира Чугунова – йĕлтĕр спорчĕн тренерĕ, Галина Павлова – полиатлон тренерĕ, Светлана Мальцева – фитнес-аэробика тренерĕ, Мария Николаева – хуралçă тивĕçнĕ.
Мăн Явăшри, Вăрнарти 2-мĕш тата Çĕрпелти шкулсен командисем – призерсем. Малти Ишекри вăтам шкул командине хастарлăхшăн наградăланă.
Светлана ЧИКМЯКОВА.