01 апреля 2017 г.
Юнкун Вăрнарти 27-мĕш пушар чаçĕн пульчĕ çине Калининăри психикăпа неврологи интерначĕн хĕрарăмсен уйрăмĕн 3-мĕш хутĕнче «çулăм» тухни пирки хыпар килнĕ.
27-мĕш пушар чаçĕн тата Калинино ял тăрăхĕн пушар дружинин пушарникĕсем тÿрех «ЧП» вырăнне васканă. Хĕрарăмсен уйрăмĕнчи хÿтлĕхри çынсене эвакуациленĕ, вырăнпа выртакан чирлисене наçилккасемпе илсе тухнă.
Пушарпа тактика вĕренĕвне 27-мĕш пушар чаçĕн пуçлăхĕ Владимир Афиногентов ертсе пынă. Мероприяти хыççăн вăл Калининăри ПНИ ĕçченĕсемпе инструктаж ирттернĕ, пушар хăрушсăрлăхĕн правилисене, инкек сиксе тухас пулсан ун вăхăтĕнче хăйсене мĕнле тытмаллине ăнлантарнă.
С.СВЕТЛОВА.