07 марта 2017 г.
Вăрнарăн паллă спортсменĕсем – Галина Павловапа Александр Политов – Чăваш ен чысне хÿтĕлесе Новосибирск облаçĕнче иртнĕ Пĕтĕм Раççейри хĕллехи ял спорт вăййисене хутшăннă.
Пирĕн ентешсем доярсен конкурсĕнче тупăшнă. Галина Павлова пĕрремĕш куннех Чăваш ен командине медаль парнеленĕ – йĕлтĕрçĕсен тупăшăвĕнче вăл иккĕмĕш вырăн йышăннă.
Доярсен нумай енлĕ кĕрешĕвĕнче Кÿстÿмĕр каччине Александр Политова çитекен пулман, вăл пĕрремĕш вырăн йышăннă.
Командăпа Вăрнар спортсменĕсем иккĕмĕш пулнă.
Пĕтĕмĕшле Чăваш ен команди 600 пин ытла халăхлă территорисен ушкăнĕнче виççĕмĕш вырăна тухнă. Пĕтĕмĕшле зачетра 57 регион хушшинче Пĕтĕм Раççейри хĕллехи ял спорт вăййисен таблицин çиччĕмĕш йĕркине йышăннă.
Светлана ЧИКМЯКОВА.