04 марта 2017 г.
Раççей Федерацийĕн наци гвардийĕн ведомствăсем хушшинчи хурал уйрăмĕн ĕçченĕсем Калининăри шкул-интернатра вĕренекенсемпе тĕл пулчĕç.
Вĕсем ачасенче патриотизм туйăмне ÿстерес тĕллевпе ентешсен паттăрлăхĕпе хăюлăхĕ çинчен каласа пачĕç. Полици уйрăмĕн командирĕ Владимир Капитонов Чечен Республикинче контртеррорла операцие хутшăнса РФ Президенчĕн В.Путинăн аллинчен «За отвагу» медале тивĕçнĕ. Çавăнпа та унăн службăри пурнăçĕпе интересленсе паллашрĕç.
Ведомствăсем хушшинчи хурал уйрăмĕн ĕçченĕсем хăйсен ĕçне туллин уçса пачĕç. Хăшпĕр пăшала кăтартрĕç. Шкул-интернат ĕçченĕсем хăнасене паттăрлăх урокне ирттернĕшĕн тав турĕç. Вĕсем вара ачасене вĕренÿре ăнăçу сунчĕç.
А.МИХАЙЛОВ,
полици майорĕ.