22 февраля 2017 г.
Выльăх-чĕрлĕх пăхакансен çулталăкăн кирех хăш вăхăтĕнче те канăç çук. Иртнĕ уйăхри кăтартусене тишкерес пулсан, мĕн пур категориллĕ хуçалăхсенче сĕт 2536 тонна туса илнĕ, вăл шутра ял хуçалăх предприятийĕсенче – 1137 тонна. Пĕлтĕрхи çав вăхăтрипе танлаштарсан – ÿсĕм 13,7 процент.
К.Маркс ячĕллĕ, «Янгорчино», «Мураты» хуçалăхсен, Вăрнарти аш-какай комбиначĕн кăтартусем лайăх пулсан, «Юнтапа», «Знамя» хуçалăхсенче ĕç-хĕл начартарах.
Район сĕт туса илессипе тата сутассипе республикăра виççĕмĕш вырăнта.
Январьте мĕнпур категориллĕ хуçалăхсенче аш-какай 529 тонна туса илнĕ, çав шутра ялхуçалăх предприятийĕсенче – 268 тонна. Ÿсĕм – 2 процент. Карл Маркс ячĕллĕ, «Луч», «Победа», «Хорнзор», «Мураты» хуçалăхсем, Вăрнарти аш-какай комбиначĕ производство калăпăшне тата сутассине ÿстернĕ. Аш-какай туса илессипе те район республикăра виççĕмĕш вырăн йышăнать.
Февралĕн 1-мĕшĕ тĕлне илсен, мăйракаллă шултра выльăх мĕнпур категориллĕ хуçалăхсенче 16194 пуç шутланать, вăл шутра ĕнесем 7869 пуç, сыснасем 16016 пуç. Пĕлтĕрхи çав вăхăтрипе танлаштарсан ĕнесем 95 пуç, сыснасем 227 пуç хушăннă. Январьте 208 пăру илнĕ, сысна çурисем – 2061. Кашни 100 ĕнерен пăру илессипе «Янгорчино», «Мураты» хуçалăхсем тата Вăрнарти аш-какай комбиначĕ малта.
К.ЮРЬЕВ.