18 февраля 2017 г.
Аçăмçырми шкулĕ иккĕмĕш çул «Çул çинчи хăрушсăрлăхшăн – пĕрле» республикăри проекта хутшăнать.
Унпа килĕшÿллĕн пирĕн шкул ачисем çул-йĕр правилисемпе çыхăннă республикăри КВН фестивалĕнче пулчĕç. Çавăн пекех «Çамрăксем – çул çинчи хăрушсăрлăхшăн» флэшмоб конкурсĕнче, «Çул çинче палăрма тăрăш» зонăри конкурссенче тупăшрĕç, призерсен йышне лекрĕç.
Конкурссенче çул-йĕр хăрушсăрлăхĕн çамрăк инспекторĕсем хăйсен пултарулăхне тĕрлĕ енлĕн кăтартса пачĕç. Çул-йĕр правилисене пĕлесси, велосипедпа фигурăсем туса ярăнасси, пĕрремĕш медицина пулăшăвĕ парасси, истори страницисене пĕлесси – çÿллĕ шайра пулчĕ.
2017 çул пуçламăшĕнче иртнĕ республикăри фестивальте Аçăмçырми шкулĕ йĕркеленĕ флэшмоба куракансем те хутшăнчĕç.
Пирĕн шкула пĕлтĕрхи кăтартусем тăрăх диплом тата вымпел парса чысларĕç.
П.АНДРЕЕВА, шкул директорĕ.