15 февраля 2017 г.
Февралĕн 9-мĕшĕнче Малтикас Ялтăра клубне Уйкас Ялтăра, Малтикас Ялтăра тата Кăмпал ял халăхĕ самаях пуçтарăнчĕç. Пуху пуласси пирки темиçе çĕре пĕлтерÿсем çакса малтанах пĕлтерчĕç.
Ĕçлĕ тĕлпулăва Аçăмçырми ял поселенийĕн пуçлăхĕ Олег Петров, Вăрнар район администрацийĕн пуçлăхĕн пĕрремĕш заместителĕ Вячеслав Горбунов ертсе пычĕç.
Олег Петров çулталăк хушшинче мĕнле ĕçсем туса ирттерни çинчен каласа пачĕ. Ял депутачĕ Сергей Никитин вырăнлă ыйтусем пачĕ. Çÿп-çапа тирпейлесе пуçтарасси пирки ытларах калаçрĕç.
Вячеслав Анатольевич Горбунова та ял çыннисем чылай ыйту пачĕç. Вĕсем йĕркелĕх, пенсисем, медицина пулăшăвĕ тавра пулчĕç.
Хыççăн Аçăмçырми ял тăрăхне кĕрекен культура ĕçченĕсем хăйсен пултарулăхне кăтартрĕç.
Нина ПАРАМОНОВА.
Малтикас Ялтăра.