04 февраля 2017 г.
Калинино шкулĕнче 8 «а» класра вĕренекенсем А.Туполев ячĕллĕ КНИТУ-КАИ студенчĕпе Эдуард Константиновпа тĕл пулчĕç. Пирĕн шкултан тухнăскер Хусанти университетпа тĕплĕн паллаштарчĕ, студент пурнăçĕ çинчен каласа пачĕ.
Çамрăк космонавтсем КНИТУ-КАИ Раççейри техника енчен чи лайăх университетран пĕри пулнине, кунта авиаципе ракета енĕпе ĕçлекен инженерсем хатĕрленине пĕлчĕç. Çар кафедри те пур иккен.
1-мĕш курс студенчĕ «Хĕвел тытăмĕ» ятпа викторина ирттерчĕ, ачасен ыйтăвĕсене хуравларĕ, вĕсен вĕренÿри тата спортри çитĕнĕвĕсемпе кăсăкланчĕ. Эдуард хĕллехи сессие «5» паллăпа кăна пĕтернĕ. Спортпа та туслă.
Саккăрмĕшсем унпа пĕрле сăн ÿкерĕнчĕç.
Галина ЗАЙЦЕВА,
«Стриж» отряд ертÿçи.