01 февраля 2017 г.
Шăматкун Шупашкарта Чăваш ен Пуçлăхĕн Кубокĕшĕн шкул ачисен спартакиади йĕркипе ирĕклĕ майпа кĕрешессипе республика первенстви иртнĕ. Кавир çине Вăрнар кĕрешÿçисем яланхиллех йышлăн – пĕтĕмпе 26-ăн – тухнă.
Тăххăрăшĕ çĕнтерÿ пьедесталĕ çине тăма тивĕçнĕ. Чемпион пĕрре, вăл – Вăрнарти 1-мĕш шкулти Никита Львов. Кĕмĕл призерсем иккĕн: 2-мĕш шкулти Елена Ластухина тата 1-мĕш шкулти Анна Федорова. Ыттисем – бронза призерсем: Дима Львов (1-мĕш шкул), Малик Кураков (2-мĕш шкул), Настя Дмитриева, Руслан Кириллов, Дарья Никандрова тата Юлиана Ермошкина (Санарпуç шкулĕ). Хĕрсемпе каччăсем Юрий Львов, Виталий Трофимов, Юрий Степанов тренерсем патĕнче ăсталăха туптаççĕ. Спартакиадăн пĕтĕмĕшле кăтартăвĕпе Вăрнар район команди 3-мĕш вырăнта. Малта шупашкарсем тата канашсем.
Светлана ЧИКМЯКОВА.