28 января 2017 г.
Министрсен Кабинечĕн юнкунхи ларăвĕнче республика бюджечĕ çинчен калакан саккуна улшăнусем кĕртессине пăхса тухнă.
Саккун проекчĕпе килĕшyллĕн Чăваш енĕн 2017 çулхи бюджечĕ 5008,9 миллион тенкĕ хушăнать — тупăш пайĕ 40 миллиард тенкĕрен иртет. Бюджет профицитлă пулнине кура тăкаксем 41,5 миллиард тенке яхăн пулмалла.
Мĕнпур сфера хушма тĕрев илет. Промышленноç производствине аталантарма — 1,5 миллиард тенке яхăн. Спорт объекчĕсем валли — 304 миллион. Çав шутра Тĕнчери футбол чемпионатне ирттерме усă куракан объектсене юсама та укçа пулĕ. Тата — биатлон центрне реконструкцилеме.
Ларура Медстраховани фончĕн бюджетне çĕнетнĕ, Правительствăн маларах кăларнă хăшпĕр йышăнăвне улшăнусем кĕртрĕç. Çавăн пекех республикăн шалти займĕн патшалăх облигацийĕсен эмиссийĕн условийĕсене çирĕплетнĕ. Сăмах май, Чăваш ен хăйĕн патшалăх облига-цийĕсене халиччен халăх хушшинче нихăçан та сарман, малашне ку енĕпе те ĕçлесшĕн.