28 января 2017 г.
Шупашкарти маунтинбайк аталанăвĕн центрĕнче фитнес-аэробика енĕпе Чăваш Республикин чемпионачĕпе первенстви иртнĕ. Вăрнар район чысне унта «Химик» спорт клубĕн «Некст» команди хÿтĕленĕ.
Вăрнар хĕрĕсем – 2-мĕш шкулти Анастасия Кириллова, Татьяна Гудзе, Карина Хисамутдинова, Диана Павлова, Снежана Алексеева, Олеся Сюмайкина, Мария Сагунова, Екатерина Ананьева тата 1-мĕш шкулти Юлия Смирнова – аэробикăра тата степ-аэробикăра тупăшнă. Ытти çулсенче хĕрсем нумай хутчен призлă вырăнсене лекнĕччĕ, икĕ хутчен чемпион пулса тăнă. Хальхинче те Елена Аликова тренер çамрăксемпе ансат мар хореографи номерĕсем хатĕрленĕ. Ун эскизĕпе хĕрсем валли çĕнĕ илемлĕ тумсем çĕленĕ. Музыкăна ди-джей Ден çырма пулăшнă.
Ăмăртура Вăрнар хĕрĕсем аэробикăра виççĕмĕш вырăн йышăннă.
Чемпионатра Вăрнарăн тепĕр команди те – Зинаида Ижелееван воспитанникĕсем – «хип-хоп» дисциплининче тупăшнă.