18 января 2017 г.
Ĕнер, январĕн 17-мĕшĕнче, район администрацийĕн пухусем ирттермелли залĕнче Вăрнар район Уставне улшăнусем кĕртесси çинчен депутатсен район Пухăвĕн йышăнăвĕн проектне халăх итлевĕнче сÿтсе яврĕç. Йышăну проекчĕпе район администрацийĕн ĕçĕсене ертсе пыракан Светлана Войтенко тĕплĕн паллаштарчĕ. Халăх итлевне хутшăннисем депутатсен Вăрнар район Пухăвне «Чăваш Республикин Вăрнар район Уставне улшăнусем кĕртесси çинчен» йышăну проектне саккунпа килĕшÿллĕн йышăнма сĕнчĕç.
Пухăннисем умĕнче Чăваш Республикин Тĕп суйлав комиссийĕн председателĕ Александр Цветков 2016 çулхи сентябрьте иртнĕ суйлава ирттерме пысăк тÿпе хывнăшăн районти территори суйлав комиссийĕн секретарьне Светлана Войтенкăна тата участокри суйлав комиссийĕн председательне Людмила Николаевăна Тĕп суйлав комиссийĕн грамотипе чысларĕ.