14 января 2017 г.
Çак ятпа виçĕмкун районти çул-йĕр инспекторĕсем профилактика акцине ирттернĕ.
Акци йĕркипе полицин ГИБДД уйрăмĕн пуçлăхĕ Владимир Петров, инспекторĕсем Елена Евдокимова тата Геннадий Казыкин, район администрацийĕн вĕрентÿпе çамрăксен политикин пайĕн пуçлăхĕн заместителĕ Инна Егорова Калинино шкулĕнчи тĕлпулу вăхăтĕнче асăрхаттаруллă калаçусем, çул-йĕр правилисене тĕрĕслессипе викторина ирттернĕ, 140 ачана тĕттĕмре çуталакан лентăсем валеçсе панă.
Калинино сали – автомобильсем нумай чупакан вырăн, ун урлă федераллă трасса выртать. Çавăнпа вĕсем салари çуран çÿрекенсемпе те хăйсене çул çинче епле тытмалли пирки калаçнă, 110 çынна каçхи вăхăтра машина фарипе çутатакан лентăна панă. Акци республикăри «Асăрхăр – каникул!» профилактика мероприятийĕ йĕркипе пырать, январĕн 30-мĕшĕччен тăсăлать.
Светлана ЧИКМЯКОВА.