30 декабря 2016 г.
Пĕтĕм Раççейри «Прессăн ылтăн фончĕ-2017» палăрту паллин конкурсне пĕтĕмлетнĕ. Палăртма кăмăллă, Вăрнар районĕн «Çĕнтерÿ çулĕ» хаçачĕ унта улттăмĕш хут çĕнтерчĕ – пĕлтĕрхи пекех II степеньлĕ Палла тивĕçрĕ.
Тĕпчеве тăратнă пичет изданийĕсене тăхăр критерипе (кашнийĕ – вуншар баллă шкалапа) тишкернĕ.
Республикăра ку шайри хисепе Çĕнĕ Шупашкарти «Грани», республикăри «Советская Чувашия» тата «Республика» хаçатсем, Йĕпреç, Етĕрне тата Хĕрлĕ Чутай район хаçачĕсем тивĕçнĕ. «Агромаш» тата «Моя Империя» журналсен – I степень, «Çĕрпÿ хыпарçин» – 3-мĕш.
– Çĕнтерÿçĕсене – «Прессăн ылтăн фончĕ-2017» Палла тивĕçнисене чĕререн саламлатăп. Сире çĕнĕ çитĕнÿсем, професси ĕçĕ-хĕлĕнче творчествăлла ăнăçу, чечекленÿ, шанчăклă вулакансем тата партнерсем, чи хăюллă шухăшсене пурнăçа кĕртме телей сунатăп, – çырать саламлă сăмахĕнче «Золотой фонд прессы» проект директорĕ Ольга Бычкова.