Публикации » Демографи тата ĕç сыхлавĕ пирки

30 декабря 2016 г.

Тунтикун Мускавра РФ ĕçлев тата социаллă хÿтлĕх министрĕн Максим Топилинăн тата ЧР Пуçлăхĕн Михаил Игнатьевăн ĕçлĕ тĕлпулăвĕ иртнĕ.

Тĕлпулура патшалăхăн демографи политикин мерисемпе, çав шутра виççĕмĕш ачашăн уйăхсерен укçа тÿлессипе тата виççĕмĕш (е ун хыççăнхи) ача çуралсан федераци бюджетĕнчен укçа уйăрассипе çыхăннă ыйтусене сÿтсе явнă. Федераци министрĕ вăйпитти çулсенчи çынсем вилессине чакарас енĕпе çине тăрса ĕçлемеллине, çав шутра ĕç сыхлавĕ тата професси чирĕсене тупса палăртасси çине тимлĕх ытларах уйăрмаллине палăртнă.