17 декабря 2016 г.
Республикăра куç курманнисен «Туслăх кăшăлĕ» наципе культура конкурсĕ иртнĕ. Унта Вăрнарти куç курманнисен пĕрлешĕвĕ те хутшăннă.
Вăрнарти Галина Паймулкина тата Лидия Терентьева, Упнерти Галина Иванова, Пăртасри Надежда Константинова, Хурăнсур Çармăсри Алина Иванова тата пĕрлешÿ ертÿçи Галина Мясникова хăйсемпе паллаштарас, наци юрри-ташшине, çемье йăлисене (çĕн пÿрт ĕçки) кăтартас, апат-çимĕç пĕçерес тата ал ĕçĕсен куравĕн конкурсĕсенче лайăх результатсем кăтартнă. Чăваш енри ултă организаци хушшинче чи лайăххисем пулса тăнă.
Конкурса хутшăнма вĕсене районти культура çурчĕн ĕçченĕсем Марина Григорьева, Саша Васильев, Борис Павлов пулăшнă. Транспортпа район администрацийĕ тата социаллă пулăшу центрĕ тивĕçтернĕ.