Публикации » Пĕлмен çырусене ан уçăр

17 декабря 2016 г.

Мушенниксем халăха темле майлă та улталама хăтланаççĕ. Çавна май полици ĕçченĕсем уяв кунĕсем умĕн пушшех асăрханма ыйтаççĕ.

Çĕнĕ çул уявĕ умĕн телефонпа улталакансем йышланаççĕ. Пĕлтĕр шалти ĕçсен органĕсем вируслă программăсемпе усă курнă тĕслĕхсене чылай палăртнă. Мушенниксем суя открыткăллă СМС-сем яраççĕ, ăна пăхма ссылкăна куçма ыйтаççĕ. Кунашкал çырусене уçма ан васкăр, вăл вируслă пулма пултарать, ултавçăсем çапла майпа сирĕн телефонпа çыхăнтарнă банк картти çинчи укçана çăмăллăнах сăптăрма пултараççĕ.

С.СВЕТЛОВА.