17 декабря 2016 г.
Раççей МЧСн Чăваш Республикинчи Тĕп управленийĕн асăрхав тата профилактика ĕçĕ-хĕлĕн управленийĕ пĕлтернĕ тăрăх, декабрĕн 12-мĕшĕ тĕлне республикăра 884 пушар тухнă, вĕсенче 89 çын пурнăçĕ вăхăтсăр татăлнă (вăл шутра – 5 ачан), 92 çын тĕрлĕ енлĕ суран илнĕ.
Пушарсен шучĕ Чăваш енри сакăр муниципалитетра ÿснĕ: Элĕк (кăçал 20, пĕлтĕр 16), Йĕпреç (23–19), Комсомольски (20–18), Красноармейски (17–15), Шупашкар (64–62) районĕсенче, Канаш (30–26), Çĕмĕрле (29–28), Шупашкар (212–208) хулисенче.
Вут-çулăмра çын вилни 12 район-хулара ытларах пулнă: Улатăр (кăçал 6, пĕлтĕр 3), Элĕк (12–1), Вăрнар (5–2), Куславкка (3–1), Комсомольски (3–0), Муркаш (5–2), Çĕрпÿ (5–1), Шупашкар (6–1), Шăмăршă (2–0), Елчĕк (1–0) районĕсенче, Улатăр (5–3), Шупашкар (17–12) хулисенче.
Кăçал электрооборудованипе усă курас правилăсене пăснипе пушарсем ытларах тухнă. Ку сăлтавлă инкексенче 15 çын пурнăçĕ татăлнă.