03 декабря 2016 г.
Калининăри шкул-интернатра вĕренекенсен спортри çитĕнĕвĕсем çинчен пĕрре мар çырнă. Халĕ каллех ырă сăлтав тупăнчĕ. Иртнĕ эрнере вĕсем республикăри шкул-интернатсем тата ача çурчĕсем хушшинче сĕтелçи теннис енĕпе ирттернĕ Спартакиадăра тупăшнă.
Калининăсем тăхăр командăран кăçал та чи вăйлисем пулса тăнă. Кашни тĕлпулурах Николай Кушаков, Дмитрий Ефимов тата Татьяна Семенова çĕнтерĕве алăран ярас мар тесе хĕрÿ вылянă. Каламалла, çак ачасем маларах районта спортăн ку тĕсĕпе иртнĕ чемпионатра та палăрнăччĕ, иккĕмĕш вырăн йышăннăччĕ.
Калининăри шкул-интернатăн спортсменĕсен, паллах, вĕсен наставникĕн Лев Николаевич Ефимовăн çакăнпа та мухтанмалла: коррекцилле шкулсем хушшинче вĕсем пилĕк çул сĕтелçи тенниспа, шашкăпа, мини футболпа тата çăмăл атлетикăпа – республика çĕнтерÿçисем.
Светлана ЧИКМЯКОВА.